Пратеникот Александар Николоски во рамките на својата неколкудневна посета на Канада оствари средба со претсваници на македонската дијаспора како и здруженија на македонците во Канада во градовите Торонто и Монтреал. На средбите се разговараше за состојбите во македонската зедница во Канада, контактите со Македонија иорганизирањето на македонците во оваа преку-океанска земја.
Претставниците на дијаспората изразиле поддршка за економската политика на Владата на Република Македонија искажувајќи ја заинтересираноста за државата како атрактивна дестинација за инвестиции. Исто така изразиле благодарност до Владата и Парламентот за потпишувањето и ратификацијата на договорот за социјално осигурување со Канада со кој се овозможи на македонците од Канада да можа своите пензии да ги примаат во Македонија. Било искажано и задоволството од правото на глас кое го доби дијаспората, со кое ќе се овозможи дијаспората да има свои преставници во Парламентот. Се разговарало и за можностите за развој на туризмот во Македонија.
Во рамките на својата посета Николоски од 3 до 6 јуни ќе биде гостин на глобалната конференција на Обединетата македонска дијаспора кој ќе се одржи во Торонто. На конференцијата ќе учествуваат преставници на македонската дијаспора од целиот свет, како и врвни канадски политичари. Во рамките на конференцијата охридскиот пратеник ќе оствари средби со бројни претставници на дијаспората. Исто така на 4 јуни ќе го посети градот Хамилтон, а на 6 јуни градот Виндсор каде ќе оствари средби со претставници на македонската дијаспора. Николоски ќе оствари бројни средби и со политичари од Канада, како пратенци во националниот праламент и праламнетот на Онтарио и други претставници на регионалната и на централната власт.
