Преку 600 шахисти од 37 земји се пријавиле за претстојниот Европски клупски куп (ЕКК) што ќе се одржи во Охрид (3-11 октомври). Своето учетво го најавиле 58 машки и 14 женски екипи.

    

Титулите од лани кога првенството се играше во Грција ги бранат Урал Свердловскаја од Русија и Серкл д, Ечес од Монте Карло. Лани во Грција, играа 64 машки и 18 женски екипи.

За екипата на Баден-Баден (Германија) е пријавен и актуелниот светски првак Вишванатан Ананд. Македонија ќе ја претставуваат екипите на Алкалоид, Гамбит Пексим и ГШК Кочани. За жал, во женска конкуренција ќе нема македонски претставник. Минатата година Алкалоид го освои 14. место, додека Гамбит Пексим беше 50-ти од вкупно 64 клуба. Наградниот фонд изнесува 45.000 евра, а ќе се играат вкупно седум кола.

ohridnews