Прекуграничниот проект за заштита на Дримскиот басен започнува од Охрид

Управувањето со водните ресурси во регионот влегува во нова фаза. Имено , во ко-организација на Билатералниот секретаријат за Охридско Езеро при МЖСПП и UNECE , MIO ECSDE i GWP Medditteranian на 2 ноември во Охрид започнува првата фаза од процесот за прекугранично  управување и заштита на басенот на реката Дрим, фаза наречена Дримски дијалог. Тоа е фаза во која политичкото и експертското милје од 5 земји ќе треба да излезат со заедничка визија за управување на овој важен воден басен, што пак ќе води до голем заеднички проект за заедничко управување. Искуствата и успесите на Проектот за Охридско Езеро  проектот за Преспа кој е во тек , и проектот за Скадар ќе бидат носители на целата активност.

– Како еден од иницијаторите на овој процес посебно сум задоволен што првите национални консултации за Дримскиот проект ќе се одржат токму во Охрид и што ко-организатор заедно со UNECE , MIO ECSDE  и GWP Medditeranian ,се јавува и Билатералниот Секретаријат за заштита на Охридско Езеро .  Дримскиот дијалог е фаза во која сите релевантни институции на државно , локално , научно и невладино ниво ќе треба да се обединат во поставувањето на целите како  да се обезбеди квалитетно управување со целиот речен басен вклучувајќи ги езерата. Тоа е единствениот пат за решавање на сите проблеми. изјави Дејан Пановски од Билатералниот секретаријат за заштита на Охридско Езерo.

На првиот Национален состанок , покрај претставниците на меѓународните институции ќе присуствуваат претставници на сите национални институции , претпријатија , научни установи со надлежност во управувањето со водите и претставници на сите локални самоуправи кои гравитираат во Дримскиот басен . Ова е колосална прилика конечно управувањето на водните ресурси да се стави во рамка и да се обезбеди  квалитетна заштита и на подсливовите како што се Охридско и Преспанско Езеро, велат од Билатералниот секретаријат.