Во близина на угостителски објект во охридското село Пештани, во доцнитте вечерни часови, викендов, нарушен бил јавниот ред и мир со физичка пресметка помеѓу едно лице од една, и три други лица од друга страна, сите од Охрид, информира СВР Охрид.
По целосно документирање на случајот, против нив ќе биде поднесена соодветна пријава. – соопшти портпаролот на охридската полиција.
Во Струга, пак, во саботата околу 21 часот, на улицата „Маршал Тито“ во Струга, полициски службеници ги пронашле тројцата малолетници од Струмица, за кои претходно во СВР Струмица било пријавено дека се оддалечиле од нивниот дом.
Во присуство на претставник од Центарот за социјални работи Струга, малолетниците се предадени на член од нивното семејство. – информира СВР Охрид.
