Претседателот на Република Македонија, Ѓорѓе Иванов кој православниот празник Водици го прослави заедно со многуилјадниот народ, на фаќачот на чесниот крст кој денеска беше фрлен во осветените води на Охридското Езеро, му подари икона од Св. Климент Охридски, заштитникот на Охрид, изработена од старите мајстори во манстирот Зрзе, прилепско.
– Обновувањето и негувањето на оваа традиција кај нашиот народ по повод Богојавление е симбол на нов живот, на појавување на Бога и тоа е во таа традиција на народот и самиот чин на денешниот настан во Охрид беше навистина величествен. Толку луѓе да се соберат и да го почитуваат тој што го фатил крстот и да му посакаат се најубаво во годината е навистина величествено. -изјави претседателот Иванов.
По повод големиот христијански празник Иванов упати честитки до верниците и им посака задравје, среќа и бериќет.
– Овие празници ги сплоптуваат, обединуваат луѓето. Гледате нема разлики тука, сите сме тука да славиме и меѓусебно да си честитаме, успеси , затоа што успесите не обединуваат, исто како и спомените.-рече Иванов.
OhridNews
