Во Хрватска денес се одржуваат претседателски избори на кои 3,85 милиони избирачи ќе одлучат кој ќе биде идниот претседател на државата, од вкупно 11 кандидати.

Во првиот круг од изборите ќе се одлучува кој ќе влезе во вториот круг, што е извесно дека ќе се одржи.

Според анкетите, на врвот се тројца кандидати меѓу кои актуелната претседателка Колинда Грабар Китаровиќ, поддржана од владејачката ХДЗ, Зоран Милановиќ, кандидат на СДП и независниот кандидат Мирослав Шкоро.