Народниот театар од Охрид, вечерва, премиерно ќе ја изведе претставата Малограѓанска свадба“ од Бертолд Брехт во режија на Дејан Пројкоски. Поради специфичноста, претставата ќе се изведува секојдневно од денес до 14- ти октомври, пред ограничен број публика, од само 24 гледачи.
Претставата говори за барањето на вистинските човечки особини и вредности, вечната тема љубовта, за смислата на љубовта и бракот, робувањето на моралните вредности кои сами ги поставуваме и често стануваат бариери во секојдневниот живот.
Меѓу актерите во претставата се и гостите од битолскиот Народен театар, доајенот на македонското глумиште Петар Мирчески и актерката Јулијана Стефанова.
Музиката во претставата е на Горан Трајкоски.
По 14 октомври, претставата „Малограѓанска свадба“ ќе биде дел од редовниот репертоар на театарот.
