Претседателот на Република Македонија, д-р Ѓорге Иванов, денеска, ќе оствари средба со раководството на државните универзитети во Република Македонија, проф. д-р Велимир Стојковски, ректор на Универзитетот „Св Кирил и Методиј“ – Скопје, проф. д-р Вулнет Амети, ректор на Државниот универзитет во Тетово, проф. д-р Замир Дика, ректор на Универзитетот на Југоисточна Европа, проф. д-р Саша Митрев, ректор на Универзитетот „Гоце Делчев“ – Штип, проф. д-р Сашо Атанасоски, проректор на Универзитетот „Климент Охридски“- Битола и проф. д-р Братислав Станковиќ, проректор на Универзитетот „Свети Апостол Павле“ – Охрид.
 
На средбата ќе бидат разгледани ставовите, забелешките, впечатоците и предлозите за унапредување на системот на студии, кои беа изнесени од студентите со највисок просек на студии од сите државни универзитети во Република Македонија на шестте средби кои претседателот Иванов ги оствари во периодот од март 2012 до април 2013 година, во рамки на својата програма и политика на дејност кон младите и студентите, соопшти кабинетот на претседателот.

OhridNews