Подобрувањето на комуникацијата помеѓу наставникот и родителот, зголемување и зајкнување на моралните вредности во училиштата како и намалување на неоправданите отсуства кај учениците, беа главните теми на кои се разговараше околу примената на „комеровиот модел“ во нашето школство. На семинарот што се одржа во ОУ „Христо Узунов“ директори, психолози и педагози од повеќе градови од Македонија имаа прилика да разменат искуства и да изнајдат решенија за се` поголемите и напластените проблеми во македонското школство.


Од презентерите и од учесниците во дебатата можеше да се слушне дека примената во овој широко прифатен модел на соработка помеѓу наставници и родители на ученици во САД, наидува на бројни објективни и пред се` субјективни пречки во наша средина и дека „ќе бидат потребни голема волја, средства и организираност за да се крене нивото на соработка“.

Меѓу другото на семинарот беа презентирани и слајдови со новински исечоци од повеќе дневни весници, со кои пластично беше прикажана сериозноста и опасноста од упореба на дроги и се` почестото конзумирање опојни средства на многу ученици.  

Примената на тнр. комеров модел треба да стартува во септември, иако припремите за имплементирање се веќе во тек и е во програмските активности на Министерството за образование, Државниот просветен инспекторат и Бирото за развој на образованието.

С.К.