Одделението за локален економски развој и Канцеларијата за стручна поддршка на развојот на земјоделието при Секторот за туризам и локален економски развој, согласно својата стратегија за интензивирање на локалниот економски развој, вчера во општинската зграда ја одржа првата едукативна работилница со земјоделските производители, хотелиери, угостители и потрошувачи за начинот на производство и нејзина примена.
На едукативната работилница предавач беше Горан Калев од Про- Церт, македонско контролно сертификационо тело, кое работи според законите на Р. Македонија.
Калев на земјоделските производители, хотелиери, угостители и потрошувачи им го објасни начинот за контрола и сертификација на производи и системи според меѓународни, приватни, национални стандарди во примарното земјоделство, преработката, безбедноста на храната, управувањето со загадувањето на животната средина и организациските системи на домашниот и странските пазари.
Инаку, Секторот ТЛЕР и Канцеларијата за стручна поддршка на развојот на земјоделието и во иднина ќе продолжат со своите активности на одржување на едукативни работилници од оваа област.
OhridNews
