Делегација од ФА на Шкотска во придружба на претставници на ФФМ го посети Градскиот стадион каде ќе се одигра средбата Македонија-Шкотска на 6 септември оваа година и разговараше со Управата на стадионот за условите за сместување на навивачите, новинарите, како и  условите за тренинг на репрезентацијата и останататите безбедносни аспекти.
 
Во начело шкотската делегација е задоволна од условите на Градски при што ја прифатија без забелешки информацијата дека средбата ќе се одигра во попладневен термин кој дополнително ќе биде одреден.

Претставниците на ФФМ се информирани дека за потребите на шкотските навивачи се потребни 2000 влезници што ќе биде дефинирано како бројка дополнително. Комесарот за безбедност на шкотската ФА информираше дека шкотските фанови не се проблематични, дека се работи за мирна публика, туристички и пријателски настроена која пред натпреварот вообичаено ги посетува локалните барови.

Националниот тим на Шкотска во Скопје ќе пристигне на 5.Септември во 15.30ч. со Чартер лет и ќе биде сместен во х. Холидеј ИН. Ќе одржи еден, затворен тренинг во терминот на одигрување на средбата.

ohridnews