Паузата во македонскиот шампионат поради репрезентативните обврски, ФК Охрид ја искористи за контролен натпревар со “помалиот брат“ Охрид Лоте. Натпреварот кој беше прв за новиот стратег на “рибарите“ Антиќ заврши со нерешен резултат 2-2.
“Рибарите“ со погодоците на Алими и Димоски имаа предност од 2-0, Стојкоски во финишот на првиот дел намали на 2-1 додека конечните 2-2 ги постави Бакулески во средина од вториот дел.
Во наредното коло Охрид Лоте на “домашен“ терен во Велмеј го пречекува Кораб, ФК Охрид има “пеколно“ гостување кај првакот на Македонија, Шкендија.
Мх.П.
