Тренерската Организација при ФФМ, поднесе пријави за тренерите Драган Бочески и Тони Јакимоски за непочитување на Кодексот на однесување на Тренерската организација.

Исто така поднесена е и пријава до дисциплинскиот комесар на ФФМ г-динот Зејди Салиу против делегатите на натпреварите  Напредок Кичево – Брегалница Штип, делегат Ивановски Дарко

и Шкендија Тетово – Тетекс Тетово, делегат Златановски Зоран.

Пријавата е во врска со непочитување на одлуката на Тренерската организација да не им издаде лиценца/дозвола за работа на тренерите Драган Бочески и Тони Јакимоски, шефови на стручните штабови на ФК Напредок -Кичево односно ФК Тетекс- Тетово и неизвршување на должноста делегат на натпревар со тоа што на овие тренери им дозволиле присуство на терен односно да ја водат екипата од клупата за резервни фудбалери.

За ова Дисциплинскиот Комесар ќе решава на следниот состанок.

извор ФФМ
Ohridnews