Струшката полиција вчера добила пријава од адвокат дека утрото во периодот помеѓу 9 и 9.20 часот, на ул.„Маршал Тито“, наводно било извршено грабнување на 42-годишна жителка на Струга. Според пријавата, откако таа излегла од „Тутунска банка“ и се движела кон блиската пекара, била пресретната од женско лице кое преку устата и носот и ставила некаква течност, по што влегле во патничко возило непозната марка и регистарски таблици, кое го управувало женско лице на возраст од околу 50 години. Во возилото на жената која била пријавена дека е грабната, преку лицето и била ставена марама. По околу 20-тина минути возење таа била однесена во некаква просторија, но претходно и била одземена чантата во која имала околу 1000 до 2000 евра.
Околу 13 часот жената која била пријавена за грабната, е пронајдена на клупа на плажа.
Полицицијата презема мерки за расчистување на случајот.
OhridNews
