Граѓаните ќе може да пријават каква и да е повреда на избирачкото право, на бесплатната телефонска линија 0800 54 3210800 54 321, што ја воспостави Народниот правобранител.
Пријавувањата за евентуалните прекршувањата и неправилности ќе може да се вршат и на денот на гласањето, како и за време на целиот изборен процес. Телефонската линија ќе функционира секој работен ден од 08 до 16 часот, а по пријавите на граѓаните ќе се постапува веднаш по примениот повик.
Изборни неправилности граѓаните ќе можат да пријават и на бесплатната телефонска линија 080 080 080, која ја отвори граѓанската асоцијасија МОСТ. Доколку пак граѓаните не се сигурни на кое избирачко место гласаат, со внесување на своите податоци можат да проверат на интернет страната: izbirackispisok.gov.mk.
OhridNews
