Прилепчани својот квалитет го покажа минатото коло кога на домашен терен го запреа есенскиот првак Струга играјќи нерешено 27-27.
– Ракометарите на Прилеп се многу искусна екипа, која не треба да се потцени. Четири играчи ни се многу познати бидејќи тие играа во Супер лигата и имавме можност неколку пати да ги гледаме. Цела недела трениравме напорно за мечот со Прилеп да го дочекаме што по подготвени. Нема да менуваме премногу од минатите натпревари, а и нема зошто во одлична серија сме – рече десното крило Аце Трифуноски.
Во првата полусезона охриѓани со целиот плен се вратија од Прилеп, но избраниците на тренерот Горан Андоновски мораат да ја повторат играта и да ја продолжат победничката серија.
– Нашето мото е кратко и јасно, “секогаш играме од срце за Охрид“. Така ќе биде и на мечот со Прилеп на домашен терен. Убеден сум дека ќе додадеме уште победа во нашата низа. Ќе играме пред нашата публика, која не бодри секогаш и нема ништо да не спречи да и возвратиме со победа над Прилеп – порача Иван Тасевски, столбот на охридската одбрана.
