Една од последните слободни, природни површини, во крајезерскиот појас, Студенчишкото блато, наскоро ќе биде предмет на стручна анализа, која треба да покаже колкав дел од него останал недопрен од човекот. Со години низ охридската јавност кружат разни непотврдени информации за желбите и намерите на разни инвеститори кои наводно го посакувале овој атрактивен простор, но засега освен стотиците тони шут нема друга „градежна“ активност во блатото. Екологистите посочуваат дека Студенчишкото блато треба да се заштити и да се стави во функција на одржлив развој, што значи доволно простор и за ендемскиот жив свет кој со милениуми живее тука, но и за човекот. Но ,дали ќе биде така зависи само од човекот.
За каков одржив развој ќе се одлучиме?
OhridNews
