Денеска на охридскиот аеродром “Св Апостол Павле” ќе слета првиот чартер лет од Москва. Неофицијално со овој авион треба да пристигнат околу 130 руски туристи, кои десетина дена ќе престојуваат во Македонија.
Според Агенцијата за промоција на туризмот, ова е првата група на руски туристи од предвидените осум чартер летови, за оваа летна сезона. Заклучно со 30 август, ќе треба се реализираат уште 7 чартер летови од Русија.
Реализирањето на оваа сезонска авионска линија е резултат на многубројните активности и заложби, за промоција на Македонија, како туристичка дестинација.
Руските туристи на аеродромот во Охрид, ќе бидат дочекани од претставници на Руската амбасада во Македонија, од Руско – македонската комора и од Агенцијата за промоција на туризмот.
OhridNews
