Пријавениот, кражбите ги извршил во почетокот на месецов во неколку ветеринарни амбуланти, продавници, сервиси како и во една нотарска канцеларија, притоа одземајќи пари и други поситни предмети. Тој употребувал штрафцигери и друг подесен алат за разбивање на сигурносните брави и кинење на катинарите од вратите, а потоа и физичка сила по што вешто влегувал во објектите, вршел пребарување ги одземал парите и другите предмети.
По извршен претрес во неговиот дом, полициските службеници пронашле дел од подесниот алат со кој е извршено разбивањето на вратите и испратен е на вештачење во Министерството за внатрешни работи во Скопје. Дополнително направено е и споредување на трагите пронајдени на местата каде се извршени тешките кражби.
Инаку, пријавениот е лице познат на службата, против кого и досега биле поднесувани пријави за слични казнени дела за што е и затворски осудуван.
