Шефот на изборниот штаб на ДУИ во Охрид Нефи Усеини рано утрово бил приведен во полиција. Од СВР Охрид информираа дека Усеини бил повикан на информативен разговор за да се утврди негова евентуална инволвираност во дело поврзано со изборниот процес. Други поединости на случајот не се соопштуваат.
Усенини попладнево дал исказ пред истражен судија по што бил пуштен на слобода. Додека траеше распитот судот го обезбедуваа специјалци.
По приведувањето на Усенини попладнево во штабот на ДУИ во Охрид пристигна високиот партиски функционер и носител на кандидатската листа во 5 ИЕ Муса Џафери. Од ДУИ засега се воздржуваат од изјава за случајот кој ја вжешти предизборната атмосфера во градот.
OhridNews
