Привремените вработувања се можност за безболно премостување на зголемениот обем на работа и кратките рокови, без притоа да се прават промени во постоечката кадровска структура. Воедно тие служат и како привремено решение додека се најде постојано работно место. Ова е заклучокот од денес одржаната трибина насловена како “ Привремените вработувања нов флексибилен начин на ангажирање работници“, во организација на Агенцијата за привремени вработувања „Партнер“ во соработка со општина Охрид.
На трибината присуствуваа преставници на општина Охрид , дел од охридските хотелиери, туристички агенции и други приватни стопанственици.
– Пријатно сум изненаден од заинтересираноста на охридските стпанственици.Ова е седма трибина која ја одржуваме и навистина никогаш не сме имале толку голема посетеност – рече Раде Ненадиќ, директор на Агенцијата за привремени вработувања „Партнер.
Целта на трибината е запознавање на работодавачите со привремените вработувања,обезбедување работници на брз, едноставен и флексибилен начин без административни процедури, како и запознавање со вкупните услуги што ги нуди Агенцијата за привремени вработувања „Партнер„.
OhridNews
