На крајот од месецов ќе одржи пробно екстерно тестирање, од кое ќе бидат изземени матурантите, изјави денеска во Охрид министерот за образование Никола Тодоров.
-Оваа година согласно законот не е предвидено задолжително екстерно тестирање, но ние ќе спроведеме експериментално екстерно тестирање, со цел да провериме како функционира системот кој што сме го поставиле, но и да им покажеме на учениците дека не треба од ништо да се плашат.-рече Тодоров, напоменувајќи дека матурантите ќе бидат изземени од експериментот за да не се оптоваруваат премногу, бидејќи ќе полагаат државна матура.
Тодоров очекува успешно пробно тестирање, со најава дека од идната година ќе започне да се имплементира целосно оваа законска реформа. Тој не откри по кои предмети ќе се врши екстерно тестирање, но посочи дека тоа нема да влијае на оценките на учениците.
OhridNews
