Продолжува чистeњето на дивите депонии во Охрид. Екипите на ЈП „Охридски Комуналец“ интервенираа на повеќе локации каде се мапирани диви депонии. 
Нашите екипи интервенираат на повеќе локации за подигнување на јавната чистота. Опфатени се локации како во централното градско подрачје, така и во руралните средини и туристички локалитети. Расчистена е дивата депонија во с.Косел, интервенирано е во с.Трпејца, извршено е расчистување на крајбрежниот појас -локалитет Горица, а расчистена е и дива депонија во близина на Античкиот театар, велат од претпријатието.
Потенцираат дека изминативе неколку месеци отстранети се околу 170 нестандардни депонии во Охрид и охридските села, а подигнати се околу 600 м3 отпад.
OhridNews
