Продолжува добрата забава во клубот „Rebel“ и овој викенд

Продолжува забавата во клубот „Rebel“ и овој викенд. За вечерашната хаус музичка вечер задолжен е грчкиот диџеј Вал Асланидис.

Доаѓа од Грција и неговата љубов од најраните години кон електронската музика многу брзо прерасна и во сериозна посветеност кон радиото. Како Dj започна да работи во 2002 година, по што следуваат најпопуларните клубови во Солун. Инспириран од златниот период на progressive house музиката, тој внесува многу емоции и мелодии во неговите сетови. Има настапувано заедно со имиња како Dave Seaman, Anja Schneider, Max Cooper, ARTBAT, Petar Dundov, Eelke Kleijn, Paul Ritch, 16 bit lolitas, Deborah De Luca, Kiasmos, Undercatt, Mark Poppke, Wade Bennett, Stefan Biniak и многу други.

Саботата вечер е резервирана за диџејот и продуцент Деан Мицкоски кој работи во Њујорк, а потекнува од Македонија и креира уникатни битови и композиции. Неговата музичка експертиза е во сите хаус жанрови, особено Afro House, Tech House и Classic House Music, и неговите амбициозни неодоливи продукции го прават главен столб во ноќните клубови.

Деан имаше одлична година во 2022 кога оставри соработка со Никол Мудабер, Роланд Кларк, Ли Кабрера, Роџер Санчез, диџеј Чус, Мелоун, Ид Азиз, Дејл Хавана, Дени. Стекна преку 10 милиони стримови на „Spotify“ и место на „top 10 Afro Chart on Beatport“. Доби огромна поддршка од Карл Кокс, на неговото издание „Остави ме сам, танцувам“, како и Боб Синклер, Стив Аоки, Дипло, Фед ЛеГрант, Роби Ривера, Дени Хауард, Дејвид Моралес… Деан Мицкоски најчесто настапува во Њујорк како резидент диџеј под Deep Root Records и е присутен во градови како Мајами, Тулум, Амстердам, Париз, Минхен, но и во Хрватска, Македонија, Србија…

Забавите почнува во 23:59 часот. Телефон за дополнителни информации и резервации е ++38979230912.

OhridNews