По вчерашниот прес на општинската ВМРО- ДПМНЕ, следуваше реакција од општинската СДСМ. Во неа се вели дека централната власт на ВМРО ДПМНЕ во изминативе речиси седум години прави огромни пресии и опструкции, со цел да не се реализираат одредени зацртани програми и активности на локалната власт.
– Не се заложивте како ОК да интервенирате за брза и ефикасна реконструкција на ЈЗО Општа болница – Охрид, и ги оставивте охриѓани повеке од две години без здравствена заштита. Го упропастивте ЕМО и сега ги залажувате со минимална сума пари, наводно како исплата за неисплатени плати, што е далеку од вистината. Во Македонија пат штрајкуваа ваши членови за неисплатени плати и затоа моравте да го смените директорот на подружницата во Охрид ( инаку прв братучед на вицеепремиерот и министер за финанссии Ставрески ) и како награда да го вработите во ЕСМ во Струга. Кога сме кај Ставрески, да ве потсетиме дека тој истиот Ставрески, веќе подолго време не ја потпишува согласноста за одобрување на креддит за потребите на локалната самоуправа, со кој ќе беа санирани старите долгови наследени од градоначалниците на ВМРО ДПМНЕ кои владееа со Охрид до 2005 година, за да може локалната самоуправа нормално да функционира, стоои меѓудругото во реакцијата од ОО на СДСМ.
По оваа реакција следуваше допис и од општинската ВМРО- ДПМНЕ.
– Локалната самоуправа, Александар Петрески- најнеуспешниот градоначалник и СДСМ одлично се препознаа во неуспешноста која им ја набројавме . Со избегнување на макар и еден одговор, Петрески и локалната признаа дека се најнеуспешните и најкорумпираните градоначалник и локална самоуправа во историјата на Охрид. Требаше да одговорите барем на еден од фактите кои ги набројавме , но не можете затоа што сте до гуша во калта на корупцијата и неуспешноста, се наведува во реакцијата од ОК на ВМРО- ДПМНЕ .
