– Наместо одговор, обвинувања од директно затегнатите, наместо извинување за лагите повторно превртување на вистината, повторно лаги, манипулации. Се прашуваме како тоа знаат дека нивниот кандидат победил на локалните избори, а не знаат или се прават дека не знаат дека токму тие од СДСМ заедно со некои полтрончиња владеат со Охрид. Дека токму СДСМ е власт во Охрид и е во позиција да направат нешто за Охрид, но наместо тоа се случува урбан, еколошки, културен, туристички масакр. Се прават дека не знаат дека располагаат со 10 милиони евра, пари на граѓаните на Охрид, кои ги трошат на патувања, ручеци, луксузни возила, партиски вработувања, без ниту една капитална инвестиција за Охрид, без еден долар донесена инвестиција од странство. Токму затоа треба да одговорат на прашањата на граѓаните, а не за секое прашање да одговараат со некакви наводно големи теми, стои меѓу другото во реакцијата на ВМРО- ДПМНЕ.
Од Унијата на млади сили на оваа партија, пак реагираат што на почетната страна на општинската веб страница, ohrid.gov.mk, е исплукана опозициската во градот ВМРО-ДПМНЕ и нејзиниот претседател Атанаско Михаилов. – Демократско право е да партијата СДСМ или градоначалникот Александар Петрески да возвратат во било каква форма (дали писмо, пресс итн.) на секое искажување во јавноста на претседателот Михаилов или прес центарот на ВМРО-ДПМНЕ, но ова право да си го зема локалната самоуправа, а посебно официјалната веб страна на градот е за осудување, велат од УМС на ВМРО- ДПМНЕ.
