Градоначалникот Никола Бакрачески, од започнувањето на мандатот па се до ден денес, во континуитет одржува тет а тет средби со граѓаните на општина Охрид, по претходно закажани термини, информираат од локалната самоуправа.
Целта на овие средби кои ќе продолжат и во идниот период, е граѓаните да можат да ги изнесат своите ставови, мислења и проблеми кои ги имаат во секојдневниот живот.
„Доколку некои од предложените идеи се добри и се во надлежност на локалната самоуправа или доколку имаат проблеми, веднаш се пристапува кон нивно имплементирање, односно решавање на истите.“ – додаваат од локалната самоуправа.
Инаку, досега градоначалникот Бакрачески остварил над 300 средби со граѓаните на општина Охрид.
OhridNews
