Три нови театарски претстави, како и традиционалните манифестации кои се одржуваат во организација на Центарот за култура Григор Прличев- Балканскиот фестивал на народни игри и песни, Охридските староградски средби, се меѓу одобрените проекти за годинава од страна на министерството за култура, со чии средства ќе се реализираат во текот на 2012.

Од буџетот на министерството издвоени се средства и за хорот и ансамблот „Бисери“ кои функционираат во склоп на Центарот за култура.

– Задоволни сме од бројот на одобрените проекти од страна на надлежното министерство. Годинава ќе имаме богата програма особено во Народниот театар. Секако добро е што се подржуваат и младите, хорот, балетската група и тардиционалните манифестации, вели директорката на Центарот за култура Драгана Боцевска.

Како што таа информира одобрени се и средства за музичко- балетска новогодишна пртстава “12 месеци”, наменета за најмладите, која ќе се одржи на крајот на годината.

– Од областа на театарот одобрени се три проекти . Едниот од нив ќе го работи режисерот Дејан Пројкоски, на текст од Бертол Брехт – „Малограѓанска свадба“, потоа проектот „Трилогија“ од  Мрожек. Одобрен е и проектот за детска претстава „Итар Пејо“, кој ќе го режира Андреј Цветановски, изјави Боцеска.

Боцевска за годинава најави и одредени зафати за техничко доосовременување и реконструкција на  центарот, за што јавноста дополнително ќе биде информирана.

OhridNews