Одржан вториот работен состанок на Консултативниот комитет на проектот Сусткулт. Проектот се реализира во рамките на програмата за развој на транснационалните врски за одржлив развој на Југоисточна Европа во областа на Промоција на културните вредности во функција на развојот, чија цел е подобрување на ефикасноста на управувањето со културното наследство од Југоисточна Европа под заштита на УНЕСКО.
На состанокот беа разменети информации за досегашните реализирани активности во склоп на проектот, при што се констатира дека истите се одвиваат според планираната динамика. Воедно се презентираше и планот за имплементација на натамошните активности.
Членовите на Консултативниот комитет на проектот Сусткулт имаа можност и да се запознаат со Нацрт содржината за Веб-ГИС платформа за управување и промоција на културното наследство, која треба да се развие во склоп на овој проект и заеднички да ја дефинираат нејзината финална реализација.
Во реализацијата на проектот учествуваат седум европски градови при што водечки партнер е градот Венеција- Италија.
OhridNews
