Над 80 млади шахисти од земјава и странство ќе учествуваат на третото издание на пролетниот турнир на младинскиот шаховски фестивал „Езерска кралица 2025“, што вo недела ќе се одржи во Струга.
Натпреварувачите ќе бидат поделени во четири групи, од 8, 10, 12 и 16 години. Предвидено е да се игра по Швајцарски систем од 6. кола со темпо на игра 10+5. Момчињата и девојчињата да играат заедно, а наградите за освоени места ќе се даваат пооделно.
Освен најдобрите младинци од Македонија на Пролетниот турнир свое учество пријавија и Националните младински шампиони од Албанија, што го прави овој турнир доста посилен и поквалитетен, вели директорот на турнирот, Ѓоко Котески.
За оваа година, според најавата на Котески, планирани се неколку турнири во рамките на фестивалот „Езерска кралица“, а со турнирот во недела се означува почетокот.
OhridNews
