Предлог одлука за утврдување на листа за определување на имиња на улици, плоштади, мостови и други инфраструктурни објекти на подрачјето на општина Охрид, предлог одлука за долгорочно домашно задолжување на општина Охрид во рамки на проектот за подобрување на општинските услуги (MSIP), како и предлог одлуки за формирање паралелки со помалку од 24/25 ученици во средните училишта во Охрид, се дел од точките на дневен ред од дваесет и шестата седница на Советот на општина Охрид, закажана за петок, 22- ри август.
Пред советниците ќе се најдат и предлог одлука за усвојување на елаборатот за проценка на штета од град проследен со силен ветар и дожд- во општина Охрид на ден 18 јуни 2014 година, предлог одлука за давање согласност на одлуката за дополнување на Ценовникот на услуги на ЈП „Нискоградба Охрид“ Охрид, како и неколку точки од сферата на урбанизмот и образованието.
OhridNews
