Република Македонија како туристичка дестинација интензивно се промовира во Холандија во повеќе каталози на холандски туроператори. Неодамна излезе каталогот на еден од најзначајните холандскиот туроператор ТУИ Холандија за 2011 година во кои се презентирани туристичките потенцијали и убавини на Македонија.

Каталогот веќе се дистрибуира до потенцијалните туристи а како што информираат интересот за Македонија е се поголем.
 
http://www.arke.nl/zonvakantie/macedonie/resultaten.aspx

Агенцијата за промоција и подршка на туризмот како директен учесник во вкупната промотивна активност на холандскиот пазар, од 11 до 16 Јануари 2011 ќе ги презентира македонските туристички потенцијали на Меѓународниот Саем за туризам во Утрехт, Холандија.

http://www.hollandinternational.nl/zonvakantie/macedonie/resultaten.aspx

На нашиот штанд кој ќе биде брендиран во цвено-жолта боја на 12 Јануари во 13 часот ќе биде организирана видео презентација  на Македонските туристички потенцијали пред присутните туроператори и новинари. Воедно присутните ќе имаат можност да дегустираат македонско вино и македонска традиционална храна, сето тоа збогатено со македонска етно музика.

На Саемот ќе бидат презентирани и субвенциите за Холандскиот пазар што Владата за 2011 година ги определи за холандските туроператори. Како резултат на тоа како и активностите кои се преземаат од аспект на промоцијата оваа година се очекува туроператорот Цорендон во Македонија да донесе околу 8000 туристи од Холандија кои ќе остварат околу 50 000 ноќевања. За таа цел од страна на туроператорот веќе се закупени неколку хотели на Охридско-струшката ривиера.

Ohridnews