Со пригодна свеченост денеска ќе бидат презентирани праисториската наколна населба во Заливот на коските и Римскиот кастел на ридот „Градиште“, чија реконструкција траеше околу две и пол години.
Наколната населба е реконструирана автентично на остатоците од праисториската населба во подводниот археолошки локалитет „Миќов град“. На платформата која се издига во Заливот на коските изградени се дваесеттина неолитски куќички во кои се изложени предмети пронајдени за време на осум годишните археолошки истражувања на подводниот локалитет. Наколната населба со патека е поврзана со Римската тврдина која се издига во месноста Кула кај Градиште.
Во рамки на комплексот, за чија изградба се потрошени околу 3,5 милиони евра, работи Музеј на вода, и нуркачки центар.
На промоцијата на музејскиот комплекс се очекува да се обрати министерот за култура Елизабета Канческа-Милевска.
OhridNews
