По претходно добиена судска наредба за претрес, во домот на А.К. (56) од селото Октиси, пронајдени се една автоматска пушка, сто и шест куршуми за автоматско оружје калибар 7,62 мм, пет рачни бомби, пет запалки за рачни бомби како и други предмети.
Оружјето и муницијата, кои А.К. неовластено ги поседувал, биле сокриени во подрумски простории односно во столарска работилница сместена на приземјето од семејната куќа запакувани во две црни платнени торбици.
Пронајденото оружје и муниција се одземени и испратени на вештачење во Министерството за внатрешни работи во Скопје, додека А.К. е приведен во Полициската станица во Струга.
По целосно документирање на овој настан, против А.К. ќе биде поднесена кривична пријава за недозволено изработување, држење и тргување со оружје и распрскувачки материи.
