Просечната нето-плата по вработен во февруари изнесува 20.240 денари и е поголема за 3,3 отсто во споредба со истиот месец лани.
Зголемувањето се должи, на покачувањето на нето-платата во секторите рударство, рибарство и преработувачка индустрија.
Најголем пораст на просечната месечна нето-плата по вработен во споредба со претходниот месец е забележан во секторите сообраќај, складирање и врски, рударство и активности во врска со недвижен имот.
Просечната исплатена бруто-плата во февруари е 29.751 денар и е поголема за 1,1 отсто во споредба со истиот месец минатата година. Во февруари, плата не примиле 3,3 отсто од вработените.
OhridNews
