Деновиве во тек се помали градежни зафати покрај рекреативната патека која води кон Горица. Од Локалната самоуправа информираат дека се работи за проект на општината за хортикултурно уредување и оплеменување на просторот.
Неодамна на дневен ред на Советот на општина Охрид беа измените во програмата за поставување урбана опрема, во која меѓу другото се предвидуваат објекти од времен карактер и покрај рекреативната патека од мостот кон Горица. Надлежните служби информираат дека тоа ќе бидат тезги и други времени објекти каде ќе се продаваат сувенири и сладолед и дека тоа ќе биде во функција на туризмот, односно понуда повеќе за граѓаните со поплиток џеб, кои не можат жедта да ја изгаснат во баровите на околните плажи.
OhridNews
