Дел од родителите од струшко Подгорци, бараат нивните деца да ја следат наставата на албански јазик во училиштето во селото. Тие вчера протестираа пред општинската зграда во Струга, и побараа од Министерот за образование и наука Панче Кралев, да ја преиспита одлуката, со која учениците од 7-11 години посетуваат настава во соседното село Лабуништа.
Родителите, најавија дека ќе продолжат со протестите во наредниот период се додека не се обезбедат услови за следење на настава во селото Подгорци. Тие не се согласуваат со одлуката на ресорноо министерство, со која децата секојдневно треба да патуваат во соседното село на училиште. Родителите се повикаа на меѓународните конвеции кои земјава ги има потпишано и најавија тужби против претставниците на министерството за образование.
OhridNews
