Верските протести за време на кои се случија повеќе инциденти можат да му наштетат на туризмот и да ја загрозат претстојната летна сезона, предупреди партијата ДОМ.
– Како иницијатори и учесници во интензивниот развој на туризмот во Македонија последниве години, знаеме колкав напор и ентузијазам беше потребен да се раздвижи оваа до скоро заборавена економска гранка. Со подобрување на законската регулатива, субвенциите и организираната промоција на земјата како туристичка дестинација, туризмот заживеа и лани веќе даде резултати. Тоа беа 25% повеќе странски туристи и 30% повеќе ноќевања. Во моментов пристигнуваат туристи од многу земји, а од тоа имаат директна корист илјадници бизниси кои се во угостителско туристичката дејност. Индиректна корист имаат сите граѓани на Македонија. Насилството ќе ја уништи таквата перспектива, велат од ДОМ.
Оттаму ги повикуваат сите сограѓани на воздржан и одговорен однос.
OhridNews
