Министерството за здравство, во соработка со Институтот за јавно здравје, врз основа на доставените податоци од 10-те центри за јавно здравје определи 11 приоритетни локации во 8 градови во државата, каде ќе се изврши дезинсекцијата.
Дезинсекцијата ќе ја вршат Центрите за јавно здравје од Скопје, Битола и Прилеп, кои ќе ги офатат определените приоритетни локации на територијата на цела држава.
Во Охрид ќе се прска кај Студенчишкото блато и тоа во недела, 30- ти септември.
Освен во Охрид ќе се врши дезинсекција и во Скопје, Крушево, Куманово, Струмица, Кочани, кичевскиот регион, како и на крајбрежјето на Дојранскот Езеро.
Населението се известува дека прскањето ќе се изведува во вечерните и рани утрински часови, во периодот од 2 до 5 часот. По тој повод се предупредуваат граѓаните кои одгледуваат пчели да ги преземат потребните заштитни мерки, односно да извршат затворање на кутиите со доволно вода за пиење на пчелите и да не ги пуштаат надвор 3 до 4 часа по третирањето на подрачјето.