Само еден гол постигнаа госите на четирите меча одиграни попладнево во најелитното фудбалско друштво.

Металург е новиот лидер во првенството, откако со 3-0 го совлада Турново во дерби пресметката во Првата МФЛ. “Металурзите“ отпорот го скршија во последниот пола час од мечот со головите на Симоновски, Крстев и Клечкароски.

Силекс благодарение на двата гола на Зарески го совлада шампионот Ренова со 2-0, додека Брегалница осигура минимален тримф со голот на Донев во 67 минута.

Единствениот погодок за гостите го постигна Левков, од Напредок, но тој не беше доволен да се избегне пораз на гостувањето кај Тетекс. “Штофарите“ прокнижија нови три бода по заслуга на Исени и Ристевски.

Резултати: Брегалница – Скопје 1-0, Металруг – Турново 3-0, Силекс – Ренова 2-0, Тетекс – Напредок 2-1. Утре играат Шкендија – Пелистер, односно Работнички – Вардар.

Табела: Металург 19, Ренова 19, Шкендија 18 (-1) ….