Лидерот Вардар го совлада Тетекс со погодокот на Стојаковиќ во судиското надополнување. Претходно во 74 минута, охридскиот арбитар Марјан Маркоски му покажал директен црвен картон на стоперот на Вардар, Златко Таневски.
Металург со голот на Тенекеџиев во 89 минута, избегна пораз на гостувањето кај Силекс, Кратовци до предност дојдоа во 54 минута со голот од пенал на Темелков.
Шкендија во највозбудливиот меч славеше над Брегалница со 3-2, додека погодокот на охриѓанецот Ристе Маркоски во дресот на Напредок беше недоволен за победа над Работнички . Мечот заврши 1-1.
Ренова и фенерцијата 11 Октомври ремизираа играјќи 1-1. Единствениот натпревар без голови го одиграа Охрид и Турново.
М.П.
