Охриѓани во петок, 4ти април, во малата сала на Центарот за култура „Григор Прличев“ повторно ќе може да уживаат во урнебесното кабаре „2 Мothers brothers“.
Во веселото и забавно шоу, кое ќе ве насмее до солзи, настапуваат актерите Никола Тодороски и Стрезо Стаматовски. Тие во живо изведуваат голем број познати музички нумери со изменет и сатиричен текст.
Динамичните музички преработки се надополнети со исклучително креативен сценски материјал, преку кој актерите го прикажуваат секојдневието и актуелните теми на еден необичен и комичен начин.
Влезниците за урнебесното шоу по цена од 150 денари од денеска се во продажба и можат да се набават на касата на Центарот за култура „Григор Прличев“.
OhridNews
