Работнички се разбуди, Силекс го сопре Металург

Оствката на Влатко Костов беше како добредојдена за фудбалерите на Работнички кои во градското дерби го совладаа Вардар со 3-1 и го турнаа својот сосед чекор поблизу до амбисот наречен Втора лига.

Победникот беше одлучен во првиот дел кога Маневски со хет-трик постигнат за 21 минута, ги одведе гостите на високи 0-3. Поразот го ублажи Вандаир од пенал.

Силекс ја прекина победничката низа на Металург, откако на домашен терен ги совлада со 2-1. “Зелените“ дојдоа во предност уште во првата минута преку Илијоски, но домашните со погодоците на Насевски во 25 и Николиќ во 85 стигнаа до вредни три бода во трката за избегнување на баражот.

Скопје стигна до огромни три бода во дуелот со Ренова, со головите во самиот финиш на мечот. Глишиќ во 88 и Серафимовски во 90 минута погодија за пиратите.

Х. Турново ја потврди кризата во битолски Пелистер, победувајќи со 4-1 на “Тумбе Кафе“ во Битола. Чурлинов со хет-трик го навести потопот на “чкембарите“ за кои останува само теоријата дека може да се спасат од испаѓање.

Колото ќе го заокружат мечевите Напредок – Тетекс и Брегалница – Шкендија кои играат утре.

Резултати : Вардар – Работнички 1-3, Скопје – Ренова 2-0, Силекс – Металруг 2-1, Пелистер – Х. ТУрново 1-4.

Табела :

место	екипа	одиграни	П	Н	И	голови	бодови
1	Шкeндијa	23	14	6	3	44:15	48
2	Металург	24	13	5	6	33:17	44
3	Рaботнички	24	11	8	5	31:20	41
4	Ренова	24	12	5	7	32:23	41
5	Хоризонт Турново	24	11	3	10	28:24	36
6	Нaпредок	23	10	4	9	24:26	34
7	Силекс	24	8	7	9	26:30	31
8	Тетекс	23	8	6	9	21:21	30
9	Брегалница 2008	23	9	2	12	24:32	29
10	Скoпje	24	7	6	11	23:28	27
11	Вардар	24	7	3	14	20:36	21
12	Пелистер	24	3	3	18	17:51	12