Викендов, со пригодна свеченост во хотел Климетица , охридското радио Лав кое ја негува македонската изворна и новосоздадена народна песна, го одбележа својот 15- годишен јубилеј. На свеченоста присуствуваа околу триста гости меѓу кои слушатели ,деловни соработници како и претставници од локалната самоуправа.
На настанот кој се пренесуваше во живо на Радио Лав настапија Јордан Митев, Влатко Миладиноски, Спасен Силјаноски,ТатјанаСтефановска, Орце Стефковски, Дарко Стојаноски и уште многу други, а програмата ја збогатија и музичките групи Маестрал од Битола, група Фаворити и групата Изгрев од Битола, како и КУД Филиграни. Програмата ја водеше долгогодишната соработничка и голем пријател на радио Лав, Драгица Стефковска –Дракче, а како специјален гостин беше Перо Цаца.
Пред присутните гости се обрати и сопственикот и основач на радио Лав, Иван Пашоски кој се осврна на 15- те години работа на радиото.
OhridNews
