Медиумите што емитуваат програма на албански јазик вечерва објавија имиња на министри кои наводно се предлог на ДУИ во новата влада.
Меѓу нив е и поранешниот градоначалник во два мандата на Струга Рамиз Мерко, што претставува своевидно изненадување, со оглед дека тој се спомнуваше во кривични пријави, а одговорност од него за злоупотреба на службена положба бараше и неговот наследник Зиадин Села, сега исто така можен коалиционен партнер во новата влада. Според медиумите на албански јазик Мерко бил предлог за министер без ресор.
Останатите предлози кои наводно до раководството на ДУИ ги доставил лидерот Али Ахмети се: Хазби Лика – вицепремиер за рамковен договор, Бујар Османи -вицепремиер за евроинтеграции, Билент Салиу – министер за правда, Крешник Бекташи – министер за економија и Садула Дураку – министер за животна средина.
OhridNews
