Уживањето во прошетката во прекрасната природа го намалува грдата слика за која допринеле несовесни граѓани кои очигледно сеуште не развиле навика отпадот да го фрлаат онаму каде му е местото- во корпа за отпадоци.
Од ЈП „Охридски комуналец“ објаснуваат дека тие се надлежни за подигање на отпадот од пристапните патеки од Канео кон Плаошник, но не и за целиот простор на шума паркот.
– Пред година и повеќе, по барање на министерството за култура овој простор,, со одлука на советот и согласност од наша страна како јавно претпријатие му беше даден на користење на ова министерство. Согласно тоа, за јавната хигиена на просторот надлежен е корисникот на просторот, во овој случај министерството за култура, вели директорот на ЈП „Охридски комуналец“, Сашо Алче.