Министерството за образование и наука го распиша конкурсот за Државната награда ,,Гоце Делчев” за особено значајно остварување во сите области од науката, од интерес на Република Македонија.
Оваа награда се доделува за научно остварување објавено во 2013 година и се доделува на поединци или на група автори од земјата или од странство. Предлози за доделување на наградата можат да поднесат: Македонската академија на науките и уметностите, универзитетите, научните установи, истражувачко – развојните единици во стопанството, научни и стручни здруженија, други здруженија на граѓани и граѓани.
Предлогот за доделување на наградата треба да биде образложен и да содржи : лични податоци за авторите, адреса на живеење, библиографски податоци и кратко образложение за значењето на остварувањето кое се предлага за наградата.
Повеќе детали за јавниот конкурс, кој ќе трае до 15-ти февруари годинава, може да се најдат на Веб страницата на Министерството за образование и наука на Република Македонија.
OhridNews
