Апетитите на Металург пораснаа по серијата победи во Првата македонска фудбалска лига. Фудбалерот за врска Александар Далчески поради повреда не настапи на мечот со Дрита, но ќе биде подготвен за дуелот со Силекс во 25-та рунда од шампионатот.
– Победа во мечот со Дрита беше императив и со максимално ангажирана игра стигнавме до неа. Во 25-ра рунда на домашен терен ќе го пречакеме Силекс, со претпазлива игра ќе стигнеме до трите бода. Целта на почетокот од сезоната беше пласман во Европа сега сме блиску до тоа, а и се приклучивме во трката за титулата. Покрај добрите резултати не треба да летаме во облаци него чекор по чекор, натпревар по натпревар да ја остваруваме нашата цел – рече Далчески.
По 24 одиграни натпревари во елитата Металург ја дели втората позиција со Хоризонт Турново и заедно заостануваат два бодови зад лидерот Вардар.
Мх.П.
