Бројот на граѓани кои бараат заштита кај Народниот правобранител постојано расте, а повредите на човековите права се побројни.
Како што информира Нардониот правобранител Иџет Мемети, во текот на минатата година кај нив пристигнале 5220 претставки, од кои 4401 се веќе завршени. Најчесто граѓаните се незадоволни од долгите судски процески, а зголемен е бројот на претставки кои се поврзани со работата на извршителите.
Според Мемети, дел од граѓаните реагирале бидејќи не можеле да го остварат своето право на инвалидска пензија или социјална помош, а дел се пожалиле на нефункционалната работа на администтрацијата.
Како што стои во извештајот на Нардониот правобранител, во 2012-та добиени се 32 претставки поради дискриминација при вработување, а системот за заштита на правата на децата се покажал како неефикасен.
OhridNews
