Италијанската полиција уапси девет лица меѓу кои и претседателот на третолигаш, Потенца Калчо, Џузепе Постилјоне, во рамки на истрагата за лажирање на фудбалски натпревари. Италијанското државно обвинителство ја покрена оваа акција незавсино од акцијата на УЕФА и Германскиот државен обвинител во Берлин. Според зборовите на обвинителот апсењата се изведени врз база на обвинувања за обложување и членство во криминални организации.

Уапсените се осомничени за лажирање на натпревари во втората лига во сезоната 2007/08 и за седум меча во највисоката аматерска лига од ланската сезона. Се сомнева дека сите уапсени криминално се здружувале за организирање на илегално обложување и манипулација со резултатите на фудбалските мечеви.

Станува збор за, засега, непознат меч во Серија Б од сезоната 2007/08 и за седум меча во Серија Ц во сезоната 2008/09.